NEMBAL
أهلا بكم زوارنا الأعزاء . قوموا بالتسجيل لنستطيع جعل نمبل NEMBAL أضخم منتدى عربي

المسرح / أغاني / الفن التشكيلي / السينما / الأناشيد التربوية


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

قصيدة زجلية لرحال لحسيني

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 قصيدة زجلية لرحال لحسيني في الأحد مايو 30, 2010 6:37 am

Admin

avatar
نجم NEMBAL 
نجم NEMBAL 
- امدينة صغيرة اسميتها واد زم-


1
امشينا وجينا..............دازت ايام وليالي..
لقيناها مسكينة..............مسنيانا تتلالي

فين ايامك آ " واد زم".... فين احبابي وخلاني،
را الزناقي اللي سقاها الدم
ما نبتاث غير احزاني
***
من " Août" لـ " Août"..... وكلشي يفوت
فالجورنان سطور.............يخلعو التوت
وفاتحة ع لقبور..........تفكرهم بالموت
الله ينعل الشيطا...........
يحضر الكور
-اللي حرق لبيوت-،
يشوفوه لباهلية
فالجاوي ولبخور
واللات الموت......... ع موت.

2
طيحت اضراسي اعليك
وانتـ ـيا عاصي
آ " ادويدة"
- آشنو بيك؟ -
طيرتي لي نعاسي
آ بنعبد الرمى - آشنو بيك؟ -
فيك اهلي وناسي

تابع "عايشة" فالظلام
-اشكون يسقيني كاسي ؟-
حالم تعيش بلحلام
-آ سيدي اشحال كاسي - !
***
وقبايلك لمضاربة اليوم... تكالت بفامها الثوم
خضرو بيها، كسكسوها
سكوها بلكلام
- الملغوم !-
يطيح الخير..... اللي مصرف
ويتشتت اطعام -الجمعة ! -
و رواه ينشف،
يخاصم الصاحب صاحبتو
والجار على جارو يتلف،
باش إلى يتكاد....
- يزيد يعواج! -
ايزار لمحبة
يكشف !

3
دازت ايام................ وتبعاتها ثاني ايام
حر من الزمان ولعكر
ومن كل مـــا كان

بقات " الكنيسة " عوينة
فالساحة واقفة لينا
- ما جا على خاطرها اللي بناها -
باكيا اعلينا.....................
عل لهبال ....... على الدم اللي سال
باش يعيش ترجمان سوالفها..

نواقس حزينة دقات
حروف الزينة تلفات
سل القفطان،
عل الدفينة...

الترجمان يكول مابغا.............
يدير ما بغا.......................
بهاتت الصبغة !

ودازت ليام.... وتبعاتها ايام
والدم اللي تعطى
واللاورطة
طاح الثور........قسموه ع القرطة
نصو فـ " الشاوية" و " ورديغة"
- نصو فــ " اسبارطة" -!
***
تقسمات لوزيعة...... والقسمة سريعة
-خليو لي كريعة….نمشي عليها لـ " القريعة" !-
***
كرش لـ ـرض مجبود... بينو وبين الجابدو حدود
رماو عليه لقيود ……..- كلا وحبيبو ! -
***
ـــتـَى من " شجرة" لعدا.....-من آلما- قطعوها
- هي القاتلة بوها - !

سيزي على سيزي.......... ومشات " الريجي"
عوجو طريق الكيران......بدا يخرجو " الغيران"
للطريق....... يـ...قـ...طـ...عـ...و...هـ....ا.......

4
مقطوعة احبال الصوت
مذبوحة تحشريجة الموت
اللي بغا يموت- يموت -
من الليلة........-مزيان - !
***
يا الهازين الصيكان...... آ الغادين لـ " تطوان"
معلمين السوكان............ مترينين الجريان
-معلمين العومان -!
***
... و " ريوس " ثقالة لحزان
سادا بيبان الإدارة
هازا لعلام لبيض
هازا منخر بهلوان
- خسارة -!

5
آ مولاي الـ " عبد السلام ".... آ مولاي الـ " ــصالح "
أ سيد الـ " عربي".............. أ سيدنا الــ " عمر"....
اشحال منكم، ومنا............... اكبار وصغار
مغطين بشي ايزار صحيح-؟ -................
وخا احنا فالريح
-من " الكوميسارية" لــ " سبيطار" !-

رضي الله عليكم....... الله يخليكم
ماشفتو " ايكلمة محظورة ليبان"
ماتحرك سلالتكم لـ " الطاليان " !

وانا
.............
وخا يولي " الــلاكْ" خرافة
ما يبان فكفوف الشوافة
ؤ.. وخا تولي " الماية" دار ثقافة
أنا كلبي من حبك ... ما يتعافى
آ " مولات العشرين" ماتكوني خوافة !

6
ألو............... ألو........
............ أ........لو...... زين
أ......لوزين.........
العامل مسكين.... يبقى ابلا ايدين
باش يجبد دغيمتو... كريضة...كريضة
معلق بين " الرباط" و" الدار البيضا "

ألو............ زين
زين بزاف
كلشي كاين - ؟ -
كاين بزاف،
بزاف مايتقال.... غير السامع اللي مال...
مابقات تعجبو هضرة!
***
بعينيه شايف........شايف!...........
" السيرورات"، " الشمورات "....أمورات كثيرة
شايف القهرة.... مقدينها الناس،
من لـ " لـ ــثنين" فالسلال!
وشايف...

شي سال على خوه.... وشي سال على اولادو
وشي سال على راسو........ وشي داير لراسو " جال"
- ما شاف ما جال -!

ماشاف ما جال.... لا " كورنيش".........
باغي يعيش................... وماعندو مال
والمال محال يكون......... عند كلشي
غير إلى ماكان كلشي...... بحال بحال!

7
باقي ما يتقال - ؟ -........ شي شوي
- وما يدار اشحال - !


اشحال تسنيتك.......... ما جيتي
آ مولات الميدي لقصير
والشعر المحال
- رحال.......... !-.

http://nembal.maghrebarabe.net

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى